انا والبهايم واليوم الطويل

أنا والبهايم واليوم الطــــــويل


أصحىَ اصلى الفجر وأصحِى عيالى
قومى با بت أحلبى وجهزى فطارى
أجمع ولملم عدتى وحاجاتى
ربنا يعِنـّى يا أم عيالى ويعينك
دا أحنا قدامنا يوم طويل

أركب حمارتى وعالغيط طوالى
أسحب بالسلبة جموستى وأقولها يلا
وهى تقول مانا ماشية ايه ده بلا غلبه
بفهم كلامها ... ماهو بردو كده عِشره

والست ماشية جنبى وعنيها عالطريق
شايله زادنا وزوادنا وسكرى وشايى
اقولها انزل وتركبى احنا مشوارنا طويل
لا دا انت عاوز الناس تقول مبقاش فيه اصول

اوصل غيطى اربط بهايمى فى المربط
واجمع لهم رزقهم ماهم بردو راس مالى
احس بيهم لو ساعة كده جاعوا
صراخ وعويل ومظاهرة !!!!!!!!

اجرى واجمع لهم رزقهم من تانى
لانهم معندهمش صبرنا احنا البنى آدمين
بس والله شغالين شغالين .. ما فى يوم قالوا
احنا قاعدين ولا اجازة احنا واخدين

عارفين حمـــارى ده
بيفهم ولا اجدعها فهيم
بنظرة وطبطبة من غير عصاية
أشـــيله على ضهره اناطــــــــير

ما فى يوم قالى مش شــــــايل
ولا انا زهقان ولا الحالة طين
دا حمار محترم زين الحمير
والله دا باين يومنا طـــــويل

اسحب تريتى واروح عالزرع الجميل
يارب اكرمنــــــى فيه
من السنة للسنة بنبأى منتظرين
طرحك وفولك وقمحك وكرمبتين

هو ده رزقنا يا متعلــــمين
ادق فى الارض بقى دقتين
ابدا باسم الله الرزاق المعين
انضف فيكم يا زرعى وأرضِى حبتين

أخلـّى ضوء الشمس يسرح فى جدورك
أصل نور الشمس ياخونا هــــو
حياة الزرع مع شوية ميه من حين لحين
والله دا أحنا قدامنا يوم طــــويل

تعدى ساعات وضهرى متنى شويتين
تيجى الست تقولى مش ناوى تكلك لقمتين
وتأيلك الساعه ديا ... الشمس حاميه عليك يا زين
جهزى غدانا وانا هنادى على جارنا محمدين

يبو محمود تعال شاركنا لقمتنا
لاجل يبارك فيها رب العالمين
كيفك يبو محمود يا جارنا ونسيبنا ؟؟؟
والله الارض غلبانى والغلا تاعبنا
نعمل ايه فى شكارة ملح كانت بتساعد
فى الارض ما عارفين حتى نجيبها

أرمى تكالك على اللى خلقك
بردو ربك ما سايبنا وقول حسبى ربى
فى اللى عامل كدا فينا ... دا يومنا طويل
مد ايدك وكل بكره ربك يحلها من عنده

شفتم البهايم لما تجوع تزعق
وصوتها يعلــى لفـــــوق
واحنا بشوية المش بناكل
ونسكت وربك بقى يعينا

اكلنا وسرحنا كل واحد فى همه
مش بقولكم دا يومنا طويل
بس يا رب ديمها علينا نعمة
دا أحنا قدامنا يوم طويل .....

اليوم كان شكله طوييييييييييييييييييييييييل جدا

ياربى شكلك تعبتى اوى يوميها

ممكن اجى مع ابو محمود